Polling Memo: Мадэрнізацыйны скептыцызм і надзея на сябе

Друкаваная версіяPDF версія

Большасць беларусаў лічыць, што краіне патрэбныя перамены, і яны згодныя з тэзісам уладаў аб тым, што мадэрнізацыя прадпрыемстваў можа забяспечыць рост эканомікі. Аднак людзі не спадзяюцца ні на чыноўнікаў, ні на кіраўнікоў прадпрыемстваў, а схіляюцца да думкі, што залогам развіцця эканомікі з’яўляецца прыцягненне замежнага капіталу. Паводле вынікаў сакавіцкага апытання НІСЭПД, для большасці беларусаў стаў відавочным дэфіцыт кваліфікаваных кадраў, якія праводзяць мадэрнізацыю.

Другой высновай, якую можна зрабіць па выніках апытання, з’яўляецца паступовая пераарыентацыя эканамічных каштоўнасцяў насельніцтва. Беларусы аддаюць перавагу рынкавай эканоміцы з нязначным дзяржаўным рэгуляваннем. У большасці яны не разлічваюць на дзяржаву ў павышэнні дабрабыту, а патрабуюць, каб магчымасць зарабіць была ў тых, хто да гэтага імкнецца.

Нарэшце, як і было прадказана BISS, Аляксандру Лукашэнку не варта чакаць росту электаральнага рэйтынгу і ўзроўню даверу грамадзян. У цэлым, грамадская думка па палітычных пытаннях наўрад ці будзе істотна змяняцца ў бліжэйшыя кварталы. Таксама варта адзначыць, што беларусы адэкватна ацэньваюць становішча ў эканоміцы і ўласны матэрыяльны дабрабыт: дынаміка ацэнак адпавядае бягучай сітуацыі. Верагодна, з усведамленнем неабходнасці пераходу да рынкавай эканомікі звязана ўстойлівае замацаванне геапалітычнага выбару на карысць еўрапейскай інтэграцыі. Калі параўноўваць вынікі з сакавіком 2012 г., калі прарасійскія арыентацыі дасягнулі свайго максімуму, можна зрабіць выснову, што насельніцтва не адчувае станоўчай дынамікі ў адносінах Беларусі і Расіі, а еўрапейскі выбар адпавядае эканамічным каштоўнасцям насельніцтва.

Чытаць Polling memo у фапмаце pdf