V. ПОЛІСІ-АНАЛІЗ

BISS сур'ёзна ўспрымае слова «стратэгічны», якое ўваходзіць у склад ягонай назвы. Стратэгічны характар Інстытута палягае перадусім у прымяненні стратэгічнага мыслення да аналізу грамадска-палітычных працэсаў і выпрацоўкі полісі-рэкамендацый.

Фармальная схема стратэгічнага мыслення выглядае наступным чынам:

1. Ёсць мэта М.
2. Калі суб'ект С выканае дзеянне Д, то імаверныя наступствы: Н ∨ О ∨ П.
3. [Дапусцім, што] ведаем, што:
   1.  Н – набліжае да М.
   2. О – аддаляе ад М.
   3. П – мае нейтральнае значэнне для М.
4. Аналіз:
   1. Наколькі высокая імавернасць Н (пры выкананні Д)
   2. Наколькі высокая імавернасць О (пры выкананні Д)?
5. [Дапусцім, што] аналіз выявіў, што пры выкананні дзеяння Д:
   1. Імавернасць О вышэйшая за імавернасць П.
6. Варыянты рашэнняў: В¹ ⊕ В², дзе:
   1. В¹ = адмова ад Д.
   2. В² = выкананне Д і распрацоўка сцэнару дзеянняў на выпадак О.

Стратэгічнае мысленне прадугледжвае тры рэчы:

• наяўнасць мэты;
• логіку;
• веданне аб'ектыўных заканамернасцяў у дадзенай сферы.

Стратэгічны характар BISS праяўляецца таксама ў прасоўванні тых культурных і каштоўнасных установак, якія спрыяюць дасягненню Беларуссю стратэгічнай мэты АГАН (гл. VII раздзел).

Адобрана Радай BISS у красавіку 2019 года