Каманда BISS

  • Віталь Сіліцкі (†)

    Першы дырэктар BISS. Магістр паліталогіі (Цэнтральна-еўрапейскі універсітэт, Вугоршчына), доктар паліталогіі (Ратгерскі універсітэт, ЗША). Аўтар кнігі "Адкладзеная свабода: посткамуністычны аўтарытарызм у Сербіі і Беларусі" (2002 г.), суаўтар "Гістарычнага слоўніка Беларусі" (2007). Аўтар больш за 100 публікацый у выданнях Беларусі, ЗША, ЕС, Расіі.

    Спецыялізаваўся ў галіне палітыкі эканамічных рэформаў, дэмакратызацыі на постсавецкай прасторы, электаральных рэвалюцый і палітыкі ЕС на постсавецкай прасторы.

    У акадэмічным свеце вядомы як аўтар канцэпцыі "прэвентыўнага аўтарытарызму".

    Прадчасна памёр 11 чэрвеня 2011 пасля цяжкай хваробы ва ўзросце 39 гадоў.

    Пра асобу Віталя і яго інтэлектуальную спадчыну можна даведавацца больш, наведаўшы старонку Vital Silitsky: in memoriam.

     

  • Пётр Рудкоўскі

    Дырэктар BISS. Кандыдат (PhD) гуманітарных навук (Варшаўскі універсітэт).

    У мінулым выкладаў у Еўрапейскім гуманітарным універсітэце (Вільня) і Універсітэце Лазарскага (Варшава). Быў госцем-выкладчыкам у Ягелонскім, Варшаўскім, Вроцлаўскім, Беластоцкім універсітэтах і Універсітэце Адама Міцкевіча ў Познані.
    У 2008 годзе быў стыпендыятам (visiting scholar) Паўднёва-заходняга коледжу ў Ўінфілдзе, ЗША. Двойчы быў стыпендыятам (research fellow) Інстытуту грамадзянскай прасторы і публічнай палітыкі (Варшава), у межах якога кіраваў Беларускім цэнтрам. З'яўляецца аўтарам чатырох кніг і звыш 100 артыкулаў.

    У красавіку 2013 году стаў лаўрэатам прэстыжнай прэміі Льва Сапегі (Польшча) за "выдатныя заслугі ў фармаванні і развіцці грамадзянскай супольнасці ў Беларусі і набліжэнні Беларусі да Еўропы".

    Сфера навуковых інтарэсаў: каштоўнасная інтэграцыя Беларусі і ЕС, нацыянальная тоеснасць, канцэпцыя адкрытага грамадства, крытычнае мысленне.

    Акрамя роднай беларускай, валодае польскай, англійскай, рускай і літоўскай мовамі.

    Кантакт: rudkouski@belinstitute.com

     

  • Вадзім Мажэйка

    Аналітык BISS. Кандыдат (PhD) культуралогіі, магістр кіравання. Сябра Рады ГА “Дыскусійна-аналітычная супольнасць “Ліберальны клуб” (Мінск). Амбасадар супольнасці Press Club Belarus.

    З 2016 года - старэйшы выкладчык, з цягам часу – дацэнт Беларускага дзяржаўнага ўніверсітэта фізічнай культуры (кафедра сацыяльна-гуманітарных дысцыплін).

    Даследчыя інтарэсы: мяккая беларусізацыя, культурная дыпламатыя, дзяржаўная палітыка ў сферы культуры і адукацыі, культуралогія, дзяржаўнае кіраванне.

    Апрача роднай беларускай, валодае рускай і англійскай мовамі.

    Кантакт: mojeiko@belinstitute.com

     

  • Андрэй Лаўрухін

    Старэйшы аналітык BISS. У 2001 годзе абараніў кандыдацкую дысертацыю (PhD) у Пецярбургскім дзяржаўным універсітэце.
    У мінулым - выкладчык і кіраўнік Дэпартамента палітычнай філасофіі Еўрапейскага гуманітарнага універсітэта (Мінск, Вільня). Стажыраваўся ў Берлінскім тэхнічным ўніверсітэце, Універсітэце Альберта Людвіга ў Фрайбургу і Кёльнскім універсітэце.
     
    На дадзены момант, апрача працы ў BISS, д-р Лаўрухін з'яўляецца дацэнтам кафедры сацыялогіі Нацыянальнага даследчага універсітэта - Вышэйшай школы эканомікі, экспертам Балонскага камітэта грамадскага (Мінск, Вільня), а таксама членам Рады Беларускай эксперцкай супольнасці «Наше мнение» (Мінск, Вільня). Ён з'яўляецца аўтарам больш за 80 навуковых і навукова-папулярных работ па псіхалогіі, сацыялогіі веды, а таксама навукова-адукацыйнай і інавацыйнай палітыцы.
     
    Сфера навуковых інтарэсаў: адукацыя, навука, інавацыі і чалавечы капітал.
     
    Акрамя роднай рускай, ён валодае беларускай, нямецкай і англійскай мовамі.
     
    Кантакт: alavruhin@gmail.com

     

  • Кацярына Шмаціна

    Аналітык BISS. Магістр у галіне міжнародных адносінаў (Універсітэт Сіракуз, Нью-Ёрк (2016). Атрымала таксама дыплом юрыста ў Беларускім дзяржаўным універсітэце (2013). У 2016-2018 гг. працавала ў Амерыканскай асацыяцыі юрыстаў, дзе каардынавала аказанне тэхнічнай прававой дапамогі па пытаннях верхавенства і права і дэмакратычнага кіравання рэгіянальным офісам ПРААН. У 2017-2018 гадах удзельнічала ў складанні рэйтынгаў Сусветнага банка “Вядзенне бізнэса” і справаздачы “Жанчыны, бізнэс, права”.

    У 2018 г. Кацярына стала лаўрэатам прэміі Школы нацыянальнай бяспекі імя Дэніэла Моргана (Вашынгтон), а ў 2016 г. атрымала ўзнагароду праграмы “Лідары грамадзянскай супольнасці” ад Open Society Foundations.

    Сфера навуковых інтарэсаў: знешняя палітыка Беларусі, міжнародная бяспека, Расія, Еўразія, НАТА.

    Апрача роднай беларускай, валодае рускай, англійскай, французскай і нямецкай мовамі.

    Кантакт: shmatsina@belinstitute.com