Новая Беларусь

Ужо ў 2019 годзе BISS канстатаваў наяўнасць у беларускім грамадстве высокага попыту на дэмакратыю. Палітычная актывізацыя беларускага грамадства перад і пасля прэзідэнцкіх выбараў-2020 паказала, што грамадзяне Беларусі гатовы плаціць высокую цану за набліжэнне сваёй краіны да дэмакратыі і верхавенства закону. 

У звязку з гэтым мы запусцілі маштабнае даследаванне пад назвай "У напрамку новай Беларусі: сцэнарыі падзей пасля выбараў-2020". Плануем прааналізаваць розныя версіі развіцця падзей у перспектыве 3-5 гадоў, акрэсліць, наколькі яны імаверныя і якія рызыкі магчымы пры паасобных сцэнарыях.

У рубрыцы "Новая Беларусь" публікуем таксама кароткія прамежкавыя рэфлексіі і дыскусійныя матэрыялы на тэму палітычнага крызісу і перспектыў сістэмнай трансфармацыі.